السلام عليكم ورحمه الله
طريقة عملcv احترافي
اولا : لازم نقول علي كل صاحب فضل بعد ربنا ان حجات مفيده زي دي توصل للناس
وهنا بتكلم عن صفحة مصريه اسمها iCareer
الناس دي عامله شغل جميل جدا
احمد رجب
#الطريق_الى_الانترفيو
#حوار_مع_صديقي_الموظف
جاتلنا اسئلة كتير عن الـ"CV" و إزاي الواحد ممكن يعمل "CV" كويس، علشان كده قررنا نعمل سلسلة تخليكوا عارفين أهم الحاجات عن السي فى و تبعتوه لأى شركة بثقة تامة و انتو متطمنين.
• طب ايه هو ال CV ؟ ده ملخص او حساب مكتوب لانجازاتك و مؤهلاتك .
• طب ايه الفرق بين ال CV و ال Resume؟ لأ مفيش فرق.
بس على فكرة دى الـ سي فى بيأهلك للانترفيو مش للشغل ..
•أول حاجة محتاج تعرفها عن ال CV انه مش مجرد ورقة بتتحط فيها معلومات كتير عنك و خلاص grin emoticon
•انواع ال CV : أكتر نوع مشهور هو
- ال Professional و ده علشان تقدم للشغل و بيبقى أغلب ال CVs .
لكن فيه انواع تانية زى : ال Academic CV وده بيتعمل علشان تقدم لاى حاجة تخص الدراسة زى منحة او درجة علمية و ده مبيختلفش كتير عن ال Professional نفس التفاصيل ولكن بيزيد عليه ابحاثك اللى عملتها فى المجال ده.
- Creative CV : ده زى انك تعمل CV على النت او فيديو و النوع ده من الشغل اللىCreative زى المصور او الديزاينر .
كل الأنواع بتشترك فى نظام الكتابة :
+ انك تكتب خبراتك من الاحدث للاقدم .
+ تكتب المصطلحات اللى مرتبطة باهمية و وظيقة الخبرات دى .
+ و تعمل ميكس بين الخطوتين اللى قبل كده .
دي كانت أنواع السي فى. شاركونا بأغرب المواقف اللي حصلتلكم و انتوا بتعملوا السي في بتاعكم، و احكولنا إيه أصعب احاجات اللى واجهتكم و النقط اللى محتاجة تتوضح فى السي فى و الاسئلة اللي عاوزين اجابة عليها و احنا هنكون سعداء لمساعدتكم و الإجابة عليها.
● عدد صفحات الـ "CV".
- كتير مننا فاكر ان ال CV بعدد الصفحات ! و يفتخر ان الCV بتاعه 10 صفحات ˛ميعرفش ان لو قدم فى شركة كبيرة بال CV الكبيرة دى هيترفض grin emoticon .
- المفروض ال CV ميزدش عن صفحة او اقل كمان . لكن فى الـ"Academic "CV ممكن بيبقى صفحتين علشان الزيادات اللى قولناها و ساعات هما بيطلبوا تفاصيل. فحاول تختصر الحاجات اللى ملهاش لازمة و مش هتفيد زى الهوايات و الاهتمامات.
- المسؤلين عن التوظيف بيحترموا اوى ال CV اللى صفحة واحدة بس فيها المختصر المفيد يعنى الحاجات المهمة و بيقبلوه .. انت متخيل الراجل ده جايله كام CV ؟
- اكيد مش هيبقى فاضى يقرأ كل الكلام ده و ممكن مياخدش باله من الحاجات المهمة فتتظلم علشان كده لازم تختصر ال CV على قد ما تقدر لأنه كمان لسه هيقابلك فحاول تحط الحاجات اللى تهمه بس smile emoticon .
- فى دراسة اتعملت على بعض المتخصصين فى ال HR و اختيار ال CV عشان صاحبه يعمل مقابلة .. الدراسة دى كانت بتحلل المتخصصين دول و اللى بيعملوه فى ال 6 ثوانى اللى بيحددوا فيها هل صاحب ال C.V دا هيحضر الانترفيو او لا ..
- فلازم نعرف و نحط فى اعتبارنا ان الموضوع مش بعدد الصفحات اطلاقاً..
احكولنا تجاربكم مع الـCV و قولولنا أول CV عملتوه كان كام صفحة و ايه النقط اللى محتاجة تتوضح تانى فى عدد صفحات الCV و الاسئلة اللي عاوزين اجابة عليها و احنا هنكون سعداء لمساعدتكم و الإجابة عليها.
صفحات الـ "CV" 2.
● معظم الناس مش بتبقى عارفه ليه لما بتقدم ال C.V بتاعها لوظيفة معينة محدش بيتصل بيها عشان تروح تعمل انترفيو.
● و كنا قولنا ان فى دراسة اتعملت على بعض المتخصصين فى ال HR و اختيار ال C.V عشان صاحبه يعمل مقابلة .. الدراسة دى كانت بتحلل المتخصصين دول و اللى بيعملوه فى ال 6 ثوانى اللى بيحددوا فيها هل صاحب ال C.V دا هيحضر الانترفيو او لا ..
● الدراسة استخدمت تقنية اسمها “eye tracking” و هى تحليل لحركة عين الشخص اللى بيشوف ال C.V وقعدوا يكرروا نفس الموضوع على نفس المتخصصين لمدة 10 أسابيع و بعدها حللوا النتايج.
● زى مقولنا هما بيقعدوا وقت قليل جدا فى ال C.V الواحد بيبصوا فيه على الاسم و الشركة اللى انت شغال فيها دلوقتى و الشركة السابقة و التعليم بتاعك .. الحاجات الأساسية يعنى ..
● ال C.Vs اللى فى الصورة بيوضحوا حركة العين لما المتخصص بيبص على كل واحد منهم ..
● هنلاقى ان اللى على اليمين فى مناطق كتيرة ملونة اكتر من اللى على الشمال و دا معناه ان الشخص اللى كان بيشوفه بص فيه وقت اطول و هنلاقى ان الفرق الواضح مبين الاتنين ان اللى على اليمين منظم شوية عن اللى على الشمال ..
● اهتمامنا بتنظيم ال C.V و اننا نخليه منظم و مفيهوش اى حاجة ممكن تشتت الشخص اللى بيقراه هيساعدنا بطريقة كبيرة انه يتقبل و اننا نكون من الناس اللى بيتم اختيارها عشان الانترفيو.
تنظيم ال CV
● طب خلاص عرفت هتكتب ايه و الحجات المهمة , ازاى بقى تنظم ال CV ؟ تنظيمك للCV مهم جدا , تخيل فيه وظيفة متقدملها الاف الناس من السهل جدا يستبعدوا ناس لمجرد ان الCV بتاعهم مش متنظم كويس حتى لو هما ناس جمدة و كفء .. تخيل بقة ان ممكن تترفض لمجرد ان الCV مش متنظم ! علشان كده احنا مش هنسيبك تقع فى الموضوع ده و هنساعدك تنظمه كويس .
● طب ليه هما بيركزوا على تنظيم الCV ؟ اقولك لانه بيحدد حاجات كتير فى شخصيتك زى :
ا ) قدرتك على انك تعمل حاجة منظمة .
ب) نظرتك للتفاصيل .
● طب نبدأ بقى باول حاجة و هى تنظيم الخط :
- نوع الخط يكون Arial , Callibri , Times New Roman و ابعد عن ال Comic sons .
- حجم الخط يكون من 10: 12 و ممكن انك تستخدم 10 للكلام و 12 للعناوين الرئيسية .
- استخدم خاصية Bold .
تانى حاجة هى الهوامش :
- مينفعش يزيد او يقل عن 1 inch فى كل جانب .
- النص يبقى محاذى للشمال او اليمين مع بعض لكن ميبقاش فى النص .
تالت حاجة بقى هى الطباعة :
- لو هتبعته ورق يبقى لازم تتأكد من جودة الطباعة .
- تانى حاجة لازم تتأكد من جودة الورق المستخدم يبقى ابيض او off white .
- اشترى ظرف مناسب و انت بتشترى الورق علشان تحطه فيه و دى قمة ال Professional .
- اتأكد من تماشى الwater mark مع كلامك و علشان تشوفها حط الورق قدام النور .
- لو هتبعته يستحسن تكتب االعنوان اللى هيروحله على الظرف .
قولولنا ايه النقط اللى محتاجة تتوضح تانى فى تنظيم الCV و الاسئلة اللي عاوزين اجابة عليها و احنا هنكون سعداء لمساعدتكم و الإجابة عليها.
#الطريق_الى_الانترفيو
نوع الملف
● من الحاجات اللى ممكن مناخدش بالنا منها و نقع فيها هى نوع الملف بتاع الCV , و هنا كتير هيشوف الموضوع حاجة تافهة بس هى فى الواقع من الحاجات المهمة جداً.
● لو هتبعت الCV بتاعك عن طريق النت و دا بقى أغلب طرق تعاملات المسئولين عن التوظيف فى الوقت الحالى .. لازم تحط فى اعتبارك إنك تتبع كل تعليماته بلظبط عن الأبلكيشن.
● عملوا احصائيات قريب و طلع ان 99% من مسئولى التوظيف بيطلبوا الCV بصيغة PDF أو DOC اللى هوا فى ملف وورد يعنى.
● فلو ملف Microsoft word يستحسن يبقى 2007 و انت طالع لأنه هيبقى حجمه أقل و أكثر أماناً.
● لو PDF فانت تقدر تخلى الملف PDF عن طريق Save as من Microsoft Wordو تختار PDF دا لو عندك وورد حديث أما لو اصدار قديم ممكن متلاقيش الخاصية دى فممكن تستخدم برنامج Adobe Acrobat عشان تحول الملف لـPDF.
● طب ساعات بقا الHR بيطلب منك انك تنسخ المعلومات للموقع بتاعه أونلاين .. هتقوم فاتح الملف الوورد بتاعك و تضغط CTRL+A هيحددلك كل الكلام و بعديها CTRL +C عشان ينسخ الكلام , و بعدها روح للموقع و المكان اللى المفروض هتحط فيه الكلام و اضغط CTRL +V عشان تنقله عنده على الموقع.
● و بكدا يبقا لازم يكون عندنا CV حتى لو الشركة اللى هنقدملها محتاجة Online Application بس.
تنظيم الCV مش صعب بس فى نقط صغيرة محتاجين نراعيها عشان يبقا CV مفيهوش غلطة